Centro de Día Misela
Centro de Día Misela
Centro de Día Misela: Servizo de atención diúrna destinado a persoas con discapacidade intelectual, con idades comprendidas entre os 16 e os 65 anos, con necesidades de apoio extenso e xeneralizado.
Nº Rexistro RUEPSS: E-0794-C1
O Centro de Día Misela conta cunha capacidade de 15 prazas.
E os seus principais obxectivos son:
- Ofrecer unha asistencia integral á persoa con discapacidade para conseguir o máximo nivel de desenvolvemento persoal e de integración social.
- Contribuír a mellorar o seu desenvolvemento persoal e social, mediante a combinación das actividades rehabilitadoras e a convivencia en grupo como marco de referencia.
- Previr a progresión das situacións de deterioro físico e psíquico.
- Apoiar ás familias, titores ou outros profesionais que atenden ó usuario.
A través de COGAMI:
- Servizo de Intermediación Laboral (SIL)
- Asesoría xurídica
- Asesoramento especializado en materia de accesibilidade
A atención que se presta neste servizo inclúe:
- Información, valoración, seguimento e orientación: servizo de valoración, seguimento, avaliación e coordinación e o servizo de información, orientación e formación a familiares.
- Formación básica e instrumental: asistencia e fomento da funcionalidade nas actividades básicas e instrumentais da vida diaria.
- Actividades e programas: actividades de ocio e tempo libre, actividades deportivas, horta terapéutica e outros obradoiros temáticos e de formación como Recicl-arte e Obraxes.
- Mantemento e/ou rehabilitación: fisioterapia, estimulación cognitiva, atención psicolóxica
- Servizo de comedor
- Servizo de transporte adaptado
- Atención ás familias